Cando unha biblioteca está atenta a TODAS aquelas competencias básicas do alumnado que pode e debe reforzar, aproveita canta oportunidade dá a actualidade para ofrecer propostas que faciliten a mellora dalgún aspecto curricular. Velaquí temos un excelente exemplo, desde o CEIP Milladoiro, de Malpica: atent@s como están á mellora da competencia lingüística do seu alumnado, aproveitan o 14 de febreiro para mobilizalos arredor dunha canción en lingua galega: "Quérote máis", do grupo Sonoro Maxín, con concurso de literatura creativa incluído. Podemos ver máis no seu blogue. Poñer atención aos aspectos afectivos, lembremos, ten unha potencialidade educadora moi significativa e víncúlanos fortemente ás aprendizaxes realizadas.
No hay comentarios:
Publicar un comentario